ပူႇမွၼ်ႇႁဝ်းၶဝ်ၼႆႉ ၵတ်ႉၶႅၼ်ႇတေႉ
သွၵ်ႈႁႃလဵပ်ႈႁဵၼ်း
ႁႂ်ႈႁဝ်းၶဝ်ပေႃးမီးမႃး ၵႂၢမ်းလၢတ်ႈ ၊
ၾိင်ႈထုင်း ၊ လိၵ်ႈလၢႆး ပဵၼ်ၶွင်တူဝ်ၵဝ်ႇ
မႃးတူၺ်း တင်းၵိၼ်တင်းယဵမ်ႉ ၊
ၵၢၼ်ႁႃၵိၼ်လဵင်ႉတွင်ႉ ဢရႃႉသႃႇၽၵ်း ၼႆၵေႃႈ
ၸၢဝ်းၶိူဝ်းလႂ် ၼင်ႇၸၢဝ်းၶိူဝ်းၼၼ်ႉ
မီးမႃး ႁင်းၽႂ်ႇမၼ်း ႁႂ်ႈပေႃးဢမ်ႇၼႃႈလဵၵ်ႉ
ထူဝ်ႇၼဝ်ႈ ၊ ၶဝ်ႈဝၢၼ်၊ၶဝ်ႈမုၼ်းဢွၵ်း
၊ၶဝ်ႈမုၼ်လၢမ်၊ ထူဝ်ႇၽူးသိင်ႉ၊
ပႃႈသူမ်ႈမူၵ်ႇ တႆးႁဝ်းႁဵတ်းလႆႈမူတ်း
တေႃႈၼင်ႇၽၵ်းၵၢတ်ႇမဵဝ်းလဵဝ်ၵူၺ်း
ႁဝ်းႁဵတ်းလႆႈပဵၼ်လၢႆမဵဝ်း
ၽၵ်းၵၢတ်ႇၸေႃး၊ ၽၵ်းၵၢတ်ႇၵႅင်၊ၽၵ်းၵၢတ်ႇၵူဝ်ႈ၊ ၽၵ်းၵၢတ်ႇၶူဝ်ႈ ၽၵ်းၵၢတ်ႇသူမ်ႈၶဵဝ် ( ၶူဝ်ႈ ၊သႃႈ ၊ ႁုင် ) ၽၵ်းၵၢတ်ႇသူမ်ႈၽဵတ်း ( ၶူဝ်ႈ၊ သႃႈ၊ ႁုင်) ၽၵ်းၵၢတ်ႇသူမ်ႈၶႅပ်းၽၵ်းၵၢတ်ႇသူမ်ႈတဵၵ်း (မွင်ၼႂ်းမူၵ်ႇမႆႉ၊ ၼႂ်းဢွမ်)ၽၵ်းၵၢတ်ႇ ( သူမ်ႈထၢင်ႈ၊ ဢီႇမဵတ်ႈ၊ ဢီႇၸေႃႉ) ၽၵ်းၵၢတ်ႇလႃႉလေးမီးထႅင်ႈလၢႆမဵဝ်း ဢၼ်ပႆႇလႆႈတႅမ်ႈ ???
ပိူင်တႅၵ်ႈမၼ်း ပေႃးငိၼ်းဝႃႈ
“ၽၵ်းၵၢတ်ႇၸေႃး” ၼႆၸိုင်
ထၢမ်ၽႂ်ၵေႃႈ ႁူႉယဝ်ႉဝႃႈ
မၼ်းပဵၼ်တၢင်းၵိၼ်တႆး ၼႆႉပဵၼ်
တင်းႁူႉတင်းမေႃ ပူႇမွၼ်ႇႁဝ်း၊
ပဵၼ်ပိုၼ်း ဢၼ်ထိင်းသိမ်းမႃး
ပၢၼ်သိုပ်ႇပၢၼ် လႄႈ ၵူႈၵေႃႉၸင်ႇလႆႈ
မၵ်းမၼ်ႈဝႃႈပဵၼ် တၢင်းၵိၼ်တႆး
ႁဝ်းၸင်ႇလႆႈၵိၼ် ဢရသႃႇၼႆႉ ယဝ်ႉ။
သင်ၸိူဝ်ႉဝႃႈ တၢင်းၵိၼ်တၢင်းယဵမ်ႉၸိူဝ်းၼႆႉ
(ဢမ်ႇမီးၵူၼ်းႁဵတ်းယဝ်ႉၼႆၸိုင် )
မၼ်းၵေႃႈမိူၼ်တင်း တင်းႁူႉတင်းမေႃ
ဢၼ်ပူႇမွၼ်ႇ ႁဝ်း မီးမႃး ၊
ပိုၼ်းႁဝ်း ဢၼ်ထိင်းသိမ်းမႃးၼၼ်ႉ
တေၸၢင်ႈႁၢႆလၢႆ ၵႂႃႇၼၼ်ႉယဝ်ႉ။
ယွၼ်ႉၼၼ် လႄႈ ပေႃးလၢတ်ႈမႃး
လွင်ႈၵၢၼ်ၵႅတ်ႇၶႄ ၾိင်ႈထုင်း ၊
ပိုၼ်း ၊ ၸိူဝ်ႉၸၢတ်ႈ ႁဝ်းၼႆၸိုင်
တေလႆႈတေႇထိင်းသိမ်း တီႈၼႂ်း
ႁွင်ႈႁုင်မိုဝ်ႉ လဵၵ်ႉလဵၵ်ႉဢွၼ်ႇ
ၼႂ်းႁိူၼ်းႁဝ်းၼၼ်ႉၶႃႈဢေႃႈ။